BALLUK O GURBAG: (A Balochi Folk-tale for Children) Shoház: Hájir Raisi, Borås, Sweden, 1988. Hast at roch e, hast at rozigár e. Hast at yak balluk e. Balluk a hast at yak shaitánen gurbag e. Yak roch e balluk a waty pong bast ant o pa sar y shodag a dem pa joo a rawán byt. Hame wahd a gurbag, balluk y kuddhul a shut o har nemmag a boo kasshag a laggit. Gurbag a dyst ki bally y dez burz a mann chang y sar a er int. Gurbag a pa cháláky kup kut o wattai mann chang y sar a lonjan kut. Gurbag a koshish kut ki dez y dap a pach bkant o bally y shyrán bwárt. Bale anágat a bally y kalanddhen dez jahl a kapt o prusht. Mastagen shyr mann kuddhul a parsh byt ant. Gurbag a cher a kup kut o pa ritkagen shyran y chatthag a guláyesh byt. Der nagwast ki balluk chi sar y shudag a pa waty log a atk o dysty ki gurbag a dez shakyn kurtag o drusten shyry retkag ant. Shyrány rechag a jahndam, ayi y yakken kalanddhen dezy ham proshtag at. Balluk a ki e hálat dyst, gushaiga ásy mann pashk a kapt. Ayi a kárch e zurt o pa ishtápy gurbag y rand a butk. Tag e gurbag, tag e balluk, dán ki gurbag chi koddhul a dar jist. Balluk a kárch man dast a o dem pa mitag y drájy a tachán at. Tau btach ki man tachán. Dán ki balluk gesh byt o gurbag y dumby dast jat o chyrtag a gurbag y dumby chi bun a burrit. Gurbag be dumb a mitag a tarrán at o mitag y chukkan har jága ki áyi dyst randai butk ant. Bill tau ida o bgir odá. Gurbag a hál rasit ki adige bazar a kakoo y chukk y soor int. Bazzaggen gurbag a dil a gusht, agan balluk many dumb a bdát, gurha man zaroor Kakoo y chokk y soor a rawan. Ayi a pikr kut ki odán haddh o pankal baz int, - man sharren lap shody e kanan. Gurbag a waty dil a gusht. Kissa int, chi rast o chi drog, bale gush ant ki rand y chunt roch a ki gurbag a zant ki ny balluk a waty hizhm wartag ant, dem pa balluk y log a rahadag byt. A balluk y gwar a shut o pa záry o piryát kanag a laggit.- Gushty o bally, many dumb a bdai ki man a, e mitag y chukkány dast a hál e nest. - Bale o bally! ishiya bill. Kakoo y chukk y ham soor int! - Bally many dumb a bdai. Dumb a dumb y sara bandán, dumb dumb janán a, rawán Kakoo y chukk y soor a. - gurbag a gusht. - Man tayi dumb a hamá shart a dayan ki tau many shyrany badal a byarai. - Balluk a gusht. - Sharr int bally, man rawán buzoo y kirr a tayi shyran y badal a pach giran o kárán, - Gurbag a gusht. Gurbag buzoo y gwar a shut o gushty. - buzoo mana shyrdai. Shyran dayan bally a. Bally man a dumb dát, o man, dumb a dumb y sara bandán, dumb dumb janán a rwán, Kakoo y chukk y soor a. - Buzoo gusht sharr int, bale tau pa man a kahyry thal e byar o bdai ki man warán o tara shyr dayan. – Sharr int, gurbag a gusht o dem pa kahyr a rawánag boot. - Kahyr mana thál dai. Thálan dayán buzoo a. Buzoo man a shyr dát. Shyran dayan bally a. Bally man a dumb dát, o man dumb a dumb y sara bandán, dumb dumb janán a, Kakoo y chukk y soor a rawán, - gurbag a gusht. - Man bewasen drachk e an. Many sar a hich murg e kudoo nabandit. Agan tau pa man a kapoty kudoo e byarai, gurha man tara thál dyán. - Kahyr a jwáb dat. Gurbag kapot y gwar a shutt. - Kapot man a kudoo dai. Kudoo a dayán kahyr a. Kahyr mana thál dát. Thálán dyan buzoo a. Buzoo man a shyr dát. Shyrán dayán bally a. Bally man a dumb dát. Dumb a dumb y sara bandán, dumb dumb janán a, rawán Kakoo y chukk y soor a, -gurbag a gusht. - Agan tau pa man a dan byarai gurh a man tara kudoo e dyan. - kapot a gusht. Gurbag pa dán y pacch giragg a zamyn y gwar a shut. - Zamyn man a dán dai. Dánán dyan kapot a. Kapot man a kudoo dát. Kudoo a dayán kahyr a. Kahyr man a thál dát. Thalan dayan buzoo a. Buzoo man a shyr dát. Shyran dayan bally a. Bally man a dumb dát. Dumb a dumb y sara bandán, dumb dumb janána rwán Kakoo y chukk y soor a, -gurbag a gusht. - Agan tau chi joo a pa man a áp byarai gurha man tara dán dayán. - Zamyn a gusht. Gurbag joo y gwar a shut o gushty: - joo man a áp dai. Ápán dayán zamyn a. Zamyn man a dán dát. Dánán dayán kapot a. Kapot man a kudoo dát. Kudoo a dayán kahyr a. Kahyr man a thál dát. Thálán dayán buzoo a. Buzoo man a shyr dát. Shyrán dayán bally a. Bally man a dumb dát. Dumb a dumb y sara bandán, dumb dumb janán a, rawán Kakoo y chokk y soor a. - Shar int, man tara áp dayán, balai tau ham bayad brauai o bard e byarai o many sara a kammen kár bkanai? Gurbag náumed nabyt o usta y dukkan a shut o gushty: - Usta, man a bard e dai. Bard a dayán joo a. Joo man a áp dát. Ápán dayán zamyn a. Zamyn man a dán dát. Dánán dayán kapot a. Kapot man a kudoo dát. Kudoo a dayán kahyr a. Kahyr man a thál dát. Thálán dayán buzoo a. Buzoo man a shyr dát. Shyrán dayán bally a. Bally man a dumb dát. Dumb a dumb y sara bandán, dumb dumb janán a, rawán Kakoo y chukk y soor a. Usta y dil pa gurbag a suht o gushty, sharr int, bale, many bard y badal, ná int. Agan tau pa man a ná byarai gurha man tara bard e dayán. Gurbag a pikr e kut o dem pa macch a, pa ná y pacch girag a shut. Gurbag a gon macch a gusht. - O macch man a ná dai. Náyán dayán usta a. Usta man a bard dát. Bard a dayán joo a. Joo mana áp dát. Ápán dayán zamyn a. Zamyn man a dán dát. Dánán dayán kapot a. Kapot man a kudoo dát. Kudoo a dayan kahyr a. Kahyr man a thál dát. Thálán dayán buzoo a. Buzoo man a shyr dát. Shyrán dayán bally a. Bally man a dumb dát. Dumb a dumb y sara bandán, dumb dumb janána, rawán Kakoo y chukk y soor a. Macch a jwáb dát ki agan tau pa man kammen gush byarai o many kokurány garag a bdai, gurha man tara ná dayán. Becharaggen gurbag pada naumet nabyt o dem pa gush a shut, o gushty: - O gush man a gush e dai, gush a dayán macch a. Macch man a ná dát. Náyán dayán usta a. Usta man a bard e dát. Bard a dayán joo a. Joo man a áp dát. Apán dayán zamyn a. Zamyn man a dán dát. Dánan dayán kapot a. Kapot man a kudoo dát. Kudoo a dayán kahyr a. Kahyr man a thál dát. Thálán dayán buzoo a. Buzoo man a shyr dát. Shyrán dayán bally a. Bally mana dumb dát. Dumb a dumb y sara bandán, dumb dumb janana, rawán Kakoo y chukk y soor a. Gush y dill pa gurbag a suht, o áyi a baazen gush e dáty. Gurbag a gush zurt ant o macch a dát ant. Macch a áyi a bázen ná e dát. Náyi pa usta a dát ant. Usta a áyi a bard e dát. Gurbag a bard zurt o joo y kirr a shut. Jooy shar kar kurt o pujgily dhann a ritk ant. Joo a áyi a ap dát. Áp, gurbag a pa zamyn a dát ant. Zamyn a áyi a dán dát. Dány pa kapot a burt ant. Kapot a áyi a kudoo e dát. Kudooyi dát kahyr a. Kahyr a áyi a thál dát. Thály dat ant buzoo a. Buzoo a áyi a shyr dát. Shyry dát ant bally a. Bally a shyr zurt ant o gurbag y dumby pada hama jáh a licchent o dwa o darmany kutt. Chunt roch a rand, gurbag gon dumb a, dumb dumb janán a, pa Kakoo y chukk y soor a shut.
